ZO KHANG TANGTHU

Tedim gam khang kan kawmitite in CHIN leh ZO thu a thukzaw-a ka kantel khit uh ciangin ei leh ei sungah ZO hi hang cihna in a zawh banah leitunga pilna sang tampite nangawn in a nuai-a tawh kizui-in ZO na hi uh hi, hong cihna thukho, thupicing hi, ci-in kisanga ZO i hihna thu ka kipsak zaw sem uh hi.

1. RC Topa Father Sangermano laibu nam) a bai uh hi. Amau uh minam min bulpi bawl laimai 35 na-ah (Father Sangermano. A Description of the Burmese Empire, re-print, (Yangon: The Government Press, MDCL XXXV), "Kawlgam saklam niumna lam, lattitut 30' 30' leh 21' 30' kikalah JO kici gam neuno khat a om hi. Amaute pen mite'n Chin ci uh a, amau kampau leh a taang ngeinate uh tawh kip takin om uh hi."

2. Kawl mipil, tangthu kanpipa U Thein Pe Myint bnawl Khamtung gam tangthu laibu laimai 172 (Thein Pe Myint, History of Chin Special Division: (Yangon:The Goverment Press, 1967), p 172) "Chin kici minamte in amau min pen a nial tengtang loh uh hangin a minam minbulpi taktak uh pen JO ahi hi.

3. America gama a om Illinois sangminthangpi a, a kisin leh a kisim F.K.Lehman kici mipilpa bawl laibu laimai179 (Illinois Studies in Anthropology No.3.,
The University of Illinois Press Urbans 1963, pg 179- "India gam leh kawlgam kikalah kampau a tuam leh a tang ngeina uh tawh kip taka a teeng minam khat a om hi. Amaute pen a uk hak mahmah khat ahi hi. Amaute in SHA(Jiin a cih uh Dawi nam) a bia uh hi. Amau uh minam bulpi taktak pen JOU ahi hi. (BC 2000 pawlin JOU kici kumpipa min panin i ZO min piang hi. BC kum 1000 pawl, Sen gam Kaan Cho a tun' uh ciangin a Jou min uh kheelin JEN ci uh hi. A sih uh ciangin a kha uh JIIN ci uh hi. BC kum256 in Sen gam Pecking ah kulhpi sungah hong om ta uh a, a min uh CHIN in khel leuleu uh hi. Aminte uh khel zelzel kei uh leh kumpi khangtak minamte in kumpiza hong tuh kik thei ding ahih ciang, ci-in a tuntunna uh that khin nuam hi, ci uh hi.

4. G.A Grierson kicipa bawl, India gam kampau tuamtuam a kanna laibu, laimai 2-3na ah (G.A. Grierson, Linguistic Study of India (YANGON; the Government Print-ing Press, 1904), p. 2-3) "The name CHIN is not used by the tribes themselves, who used title such as ZO or YO ang SHO". "CHIN kici minam min pen tua minamte in zang vet lo uh hi. ZO ahih kei leh YO leh SHO cihte bek zang uh hi."

5. America mi, Dr Rev J.H.Cope(KIH,BSc,BD,DD) kici Tedim gama hong om masapen Sangmang leh Pasian na a semkhawm pa in Tedim gam sung sangte a kisim ding ZO LAIBU khat bawl sak sawm hi. ZO tawh kisai ngeina leh tangthu thuuk nono tua laisimbu sungah guang nuam koih nuam ahih manin Tedim upa, makai mipil tampite a dotdot hangin ama deih banga a genthei kuamah om lo hi. Kua dong ding ka hi hiam, ci-a upa makaite a dot ciangin tuate in "ZO kici minamte om ahih manin tuate mah in thei pen ding hi" ci uh ahih manin ZOTE sungah ZO tangthu a thei pen dingin ZO ukpi nam ahi MANLUN, LAANG ZA suan, Zo vuanzi lui(1959) U Mang Chin Khup' pa, Pu Tuang Za Go(Lomzang khua) sam uh hi. Dr Rev J.H.Cope in a dot bang bang, Pu Tuang Za Go in gen thei pah ziehzieh ahih manin Cope Topa a lungkim mahmah hi.

Tua mah bangin Pu Tuang Za Go' gen bangbang, Zo ngeina leh ZO tangthu thukpi teng, Zo Laisim Bu, tan khat pan tan li Zo Laisim Bute-ah tuni dong kisim, kisinin kipin a om hi. Tuate in Phut Zil leh Nan Tal, Neino tangthute-a kipan a tampi ahi hi. Tan sagih ciang dong sin dinga a hoih Zo tangthu tampi a om lai hi. Dr Rev J.H.Cope topa in tan li dong a kisim a kisin thei ding Zo Laisim Bute a kicingin hong bawlsak pah a, 1925 kuma kipan sang laisim bu-in kizang pah hi.

ZO kici minamte pen mualsang dawna a ten'man uh a, ZO kici hi bek leh ZO tangthute Pu Tuang Za Go sanga a theizaw mi, Tedim gam sungah tampi om ding hi. Ahi zongin tanga tuana pu guui pa guui a ZO MINAM a na hih khak mana ZO tangthu thuuk nono a theithei hi zaw hi, cihnopna hi. AD 1200-1400 L.B. Naylor, Tedim Chin Hill14-12-1923 a genna a tomin "Nidang lai-in Kawlpi khua ah Shan te bek teeng hi. Meiteite in va simsuk uh ahih manin Meitei mangpa Hkang Ko na thah sak uh a, Meitei te'n lel hi. Kawlpi ah Meitei mangpa hivui na "Hkangko Haan" kici tu dong om lai hi. Meitei te in Kawlpi hong sim leuleu uh a, tua lai takin Kawlpi ah Giilsan natnlianpintung ahih manin Kawlpite in lel uh a, Meitei te ciah kik khin uh hi. Tua khit ciangin khamglam panin Kawlmang khat hong tung to-in tua pan in gal dal nading kulhpi a lam sak hi.

1938 Kumin Sao Sawke leh pa Ava ah kumpi hong suah ciangin Kale leh Monyin te kilem lo ahih manin a nih un sim gawp a, a kithupi sak mahmah a tupa Kyi Taung Nyo kici pa pen Kawlpo uk dingin hong koih to hi. Hih pa in Ava kumpi nangawn 1425 kumin va sim sukin kha sagih sung uum gawpin va sim hang zo lo hi. 1374 kumin Kale kulhpi ekah 234 kulhpi tawh uum sak ding hong kipan hi. Tua Kawlpi kulhpi a om lai teng, Kawlpi khua khanglam tai nihna ah tu mahin zong om lai hi. Tua hun laitakin tua Kale valley a om teng, tua kulhpi lam dingin kitah tang sawl ahih manin tua banga kulhpi lamte, a khutme uh a kisat tan kha lawh khat val hi, ci uh hi. Tua ahih manin tua Kale a teeng mi teng mun dangah lal mang uh hi. Pawl khatte Zazazu tawnin Meitei gun kantan uh a, tu-in Lusei teng ahi uh hi.

Pawl khatte in Thaang mual (Kennedy Peak) tawnin Nawmkai dung zui-in Ciimnuai-ah tung uh hi. Ciimnuai pen Zomite pian khiatna khuapi-in kiciamteh hi. Ciimnuai panin Pu Suan Tak tapa 5 teng in Ngatanlui nak kantanin Suantak khua na sat hi. Pu Suan Tak ta 5 teng Ngengu, Neilut, Daitawng, Vanglua leh Nonzong te ahi uh hi. Ngengu ta Khausak leh Lophei, Neilut ta Nei ZO hi a, Nei Zo ta Vang Lawk leh Gen ZO te ahi hi. Vang Lawk tapa Dop Mul(Muanmual)hi a, Dop Mul tate Mulpi, Haan Thual, Guuizo, Hawlhang leh Kun Hen te ahi hi. Gen Zo ta Suan Te leh Suan Khup te ahi hi.

Dai Tawng suante in Hin Nung leh Hau Nung behte ahi hi. Vang Lua suante in Thuk Lai, Buanman leh Liim Khai te ahi hi. Non Zong suante in Tau Kon te ahi hi. Pu Ngengu tapa 5 teng in Lam Tam, Khua Kuan, Tung Nung, Nan Tal(a tapa Tung Dim ahi hi). Phiam Phu te ahi uh hi. Pawl khatte in Meitei gundung zuito to uh a, Falam gam tung to uh hi. Pawl khatte in Meitei gundung zuito-in Mualbem khua khanglam VangZang kici munah teng masa uh hi. VangZang panin Valung na sat phei uh a, Valung khua Haka gam a ZO a suak uh hi.

Tlantlang gam a Zophe te in Haka pan ahi zongin Matupi leh Mindat lam a om Zotung mite in zong Haka pan mah ahi zongin Kanpalet gama om Kale kicite in Kale pan a taikhia uh ahih manin Kale cih minam min mah tu dongin a kici den hi. Chin State (Zogam) sunga om peuhmah in Kale khulhpi lam pana 1375-1380 pawl a, kikhen i hihna thu i theih tel nading thupi hi. Tua mah bangin Tedim gam leh Tonzang gam sunga om Tedimmi kici teng sunga om minam teng sunga om minam teng;- (1) SIHZANG- Ciimnuai ah Tedimmi, kici khempeuh kiteeng masa phot a, tua panin 1450 pawlin Zo leh Thahdo te in Pu Suan Tak leh a tate teng tawh Ngal Phei a kici, tu laitak a Sihzang SMS Sanginn kilamna mun teng ah peem phei; teeng phei uh hi. Tua a teenna munah Sihtui kici tui lim mahmah naak khat a om hi.

Pu Suan Tak leh a tate tua Sihtui kiimah a teeng uh ahih manin a khuapih dang teng Sihzang te a ci uh hi. Ngalphei khua inn82 a phak laitakin Pawite Chong Rul te unau, a gam vakna a, a gammang Ngal Phei a hong baang, hong beel pak pen na manin na that uh ahih manin Pawite in Ngalphei khua hong sim gawp ahih manin Ngalphei khua leh Ciimnuai khuate taimang uh hi. Pawl khatte in Vaai Pi Gaal masa pen hi, a ci uh hi.

Pu Suan Tak tate Nge Ngu, Nei Lut, DAai Tawng, Vang Lua leh Non Zong te banah Pu Nge Ngu tate 5 sung pan a ute nih Lam Tam leh Khua Kuan te in zui uh a, tua Khuasak te khua nuai Suantak kicihna muanah peem uh a, tu-a Sihzangmi kici teng ahi uh hi. India gam Mizotam sunga om Sailo ki kici teng zong Sihzang khua pana Lusei khuapi masa Seipi khua ah vanzuaka a pai a va hawhna pan Lusei zi va nei-in va tengsuak kha khat om a, tua pa' suan leh khak teng Sailo kici hi. Sihzangmite pen mimal a tawmno ahihuh hangin a pu a pate uh tunga Pasian lungdanna thupha tu ciang ciang a vum a vala a ngahlaite uh ahi hi.

Dr Ps Kham Do Nang,
Khuadai, BA, LLB,HGP,BRE.MDiv,DMin,
ThD(Cand) (USA)
Gamngai 21st Century Thanksgiving Magazine

~~~Thank you for Reading~~~

ဘာရယ္ေတာ့ မဟုတ္ မသိေသးတဲ့ သူေတြအတြက္သာ